八方噚日聽聞剛升任滙豐中國業務總裁嘅葉迪奇，早前同歌星GiGi梁詠琪同遊西藏。大家唔好誤會，佢係同GiGi出席世界聯合國兒童基金會的活動啫。八月初，迪奇葉以基金會的宣傳及公共關係委員會主席的身份同GiGi一齊去咗西藏，探訪當地的貧苦兒童，拍咗套特輯，會喺九月中出街。八方聽聞呢次探訪行程共有十一日，但迪奇葉只能在百忙之中抽咗九日時間參與活動。
迪奇葉昨日出席宣傳活動，八方乘機問吓佢升職後有乜嘢大計，點知佢話未正式上班，冇嘢好講，之後重「借飯遁」。其實佢去西藏除可以做善事，可以借此了解國情，唔知對佢新職務有冇幫助呢？
（圖）有機會親近GiGi，迪奇葉一定好開心啦！


傳真︰2623-9278
電郵︰[email protected]