三位一體嘅日本男子組合w-inds.昨晚喺東京開騷，為巡迴演唱會作尾場演出，三子今早即趕住出發到越南，為聽日假當地舉行嘅日越友好音樂會擔任嘉賓。

昨晚東京騷，w-inds.為5千歌迷唱出27首作品，提到北海道地震，出生於當地嘅緒方龍一及千葉涼平感受頗深，龍一表示災後未能致電雙親，要透過胞姊才確認家人安全，第二次做老竇嘅主音橘慶太，揚言待當地回復正常生活定會到北海道開騷，希望為當地歌迷帶來笑容。

與此同時，三子昨晚在台上宣佈12月8日再度襲港假九龍灣國際展貿中心Starhall舉行演唱會，今次已係w-inds.第十度襲港開騷。w-inds.出道17年半，一直深受亞洲歌迷愛戴，佢哋早已創下外國組合喺香港開演唱會之場數紀錄。

精選娛聞，喺晒《娛果》
http://fb.com/appledailyent