【飛魚不敵海洋垃圾】方力申練水禍不單行 獲發哥打氣加持超窩心
蘋果日報 2019/09/16 17:22
周潤發方力申海洋污染
（IG圖片）
曾經是香港泳隊代表的方力申，將於11月5日參加「香港環島泳45公里慈善挑戰」。近日積極備戰，卻阻礙重重，日前練水時，眼睛受到感染，紅腫兼不停流眼水，手臂又被鎅傷。在氣餒時，當身邊有人鼓勵，也是一種推動力，而小方就有幸得到周潤發拍片為他加油打氣，實在是一支強心針。
小方今日在IG分享短片，是發哥一路跑步一路拍片為他打氣：「小方，上次喺電視見你喺淺水灣練水都好甘，辛苦晒，我佩服你，又有善心，又有恆心，11月香港天氣涼，萬事小心，你一定得嘅，我支持你，加油。」小方就留言：「在我眼睛最不舒服的那天，收到你的祝福視頻，真的特別感動，份外窩心。謝謝，祝你身體健康，龍馬精神。」最後，小方更特別鳴謝蘇施黃，相信是發哥行山友之一的阿蘇，特意叫發哥拍片為小方打氣了。
之後，小方又再在IG分享另一條自己在海中游水的短片，留言：「除了氣溫，水溫，風浪會影響泳手游渡海泳的表現外，還有就是海洋污染。影響心情之餘，更有可能要兜路游，咁咪游遠咗囉！不如等我11月5號45公里香港環島泳之後，我哋一齊去遠啲嘅沙灘執垃圾啦。有興趣嗎？」片段中，見小方「介紹」海中遇到的外賣飯盒、膠杯、膠袋等垃圾，還有一些不知名的污物，嚇得大叫：「嘩！唔得，咁點擘大口，不得了，走啦！走啦！」
方力申日前在醫院拍片講述受傷情況（IG圖片）
39歲方力申不再年輕，練水後一臉痛苦。（IG圖片）
方力申展示海洋垃圾（IG截圖）
發哥跑住步拍片為小方打氣（IG截圖）