【魯賓遜挑機】莫雷拉黐實唔願放！「神亮金剛」是匹高質馬
蘋果日報 2019/09/30 21:25
莫雷拉神亮金剛魯賓遜挑機高質馬
明日（10月1日）沙田第六場三班1800米，「神亮金剛」雖然生於澳洲，但血統卻充滿北半球的色彩。
其父是一哩王「盡歡騰」，外祖父則是「鷹雄」的父系More Than Ready，血統顯示「神亮金剛」宜跑中距離，而且表現絕不早熟。
此駒至今只跑過七仗，潛力肯定仲未盡露，而上季四歲已經贏三場，完全是高質馬的表現，可以預期今季扶搖直上更高的班次。
上場初跑谷草，臨場情緒急燥，中段留唔住湧上前放頭，在最後200米力弱可以理解。
今次回師主場跑田草，熱咗身兼開氣後，增程跑1800米啱數，最近三課快跳由莫雷拉一手主理，備戰相當積極，值得信賴。
第九場三班1400米，「超新星」上季四歲插班首季已經三捷，近三仗跑千四米演出更佳，前仗平磅之下擊敗今場對手「聰明導彈」，上賽則後上姍姍來遲只輸短馬頭跑第三，本身實力明顯超班。
上賽賽後被發現氣管多血，因而跑完上仗便提早唞暑，8月全面恢復快跳，本身在8月20日已經由莫雷拉過檔操練，9月17日試1050米泥閘，路程嫌短，但直路從外叠以勁勢追上，卻見走勢相當悅目，狀態已經有爭勝水準。
此駒體質單薄，休後復出表現特佳，上季插班初出即勝。今次相隔上賽五個月，體力充沛蓄銳一擊應有收穫。