立法會秘書長馮載祥同電盈大公關馬潔嫻噚日榮升外父外母，佢哋個乖女Marcia披上嫁衣，真係靚爆全場，新郎哥又係叫做ArthurLi，同李國章個英文名一樣，不過，呢個Arthur中文名叫做李繼賢，係游泳健將，重代表過香港參加奧運比賽㖭。
娶得美人歸，Arthur梗係開心，新奶奶更加笑逐顏開。立法會議員周梁淑怡同胡國興法官都有去堅道明愛天主教座堂。馮載祥係雙妹嘜花露水廣生行嘅後人，講起佢阿爺當年，新外父就好多嘢講，睇怕新女婿要慢慢聽啦。
李馮兩親家晚上喺君悅擺喜酒，終審庭首席法官李國能同周一嶽局長都有嚟飲。家姐出閣，細佬（圖三）都要專程由英飛返嚟。


傳真︰2623-9278
電郵︰[email protected]