謝婷婷、AnaR.及楊洛婷今日現身金鐘太古廣場，出席SalvatoreFerragamo發佈腕錶活動，婷婷透露情人節會同女性友人齊齊下廚度過。

記者笑婷婷甩拖後頻頻同女性朋友約會，問佢會否接受同性追求：「我讀書係讀女校，試過被追求，我當然拒絕，唔反對朋友有呢方面取向，拍拖唔係男就女，唔會介意。」提到父親謝賢近日返內地拍攝真人騷節目，霆鋒曾擔心佢已經七十九歲高齡，希望佢辭演，婷婷就表示：「呢方面我同哥哥有相反意見，爸爸由細到大做開，表演有人叫佢歡呼，係幕前工作更開心，可以keep住年青，個節目應該唔辛苦，佢哋會睇住老豆，我都想度期上呢個節目。」此外，新婚嘅楊洛婷希望雞年生BB，佢表示：「可以同老公同我湊同一生肖。」