24個候選亞姐分別著上由大會安排的嘅黑色喱士泳衣出場，驟眼睇重以為做緊內衣Show，個個重要腳踏三吋高跟鞋大跳辣舞熱爆全場，唔知會唔會幫到亞視爭到少少收視點數。

點知睇完佳麗火辣熱舞之後，鏡頭竟然影住年過半百以上嘅宮雪花，剛才雖然話花姨呢個look可以幫大家驅寒，但睇完火辣佳麗再見到佢，真係好有一盆凍水淋熄火咁嘅效果。

之後嘅問答環節就好似拎返細個睇嘅《十萬個為什麼》同《百科全書》嚟問題咁，連連悶場。而佢哋套泳衣著到9點仲著緊，真係想凍親班佳麗咩!