油尖旺區議會選舉大南補選今個月24日進行投票，代表建制派迎戰民主派對手李國權的經民聯李思敏，尋晚就喺Facebook上載宣傳片，結果嚇親唔少民主派人士，尤其早前代表民主派參加九龍西補選，可惜慘遭政府無理DQ的劉小麗。原來李思敏喺呢段以跑步為主題的宣傳片中，不論全身衫褲顏色、跑步時間、所途經的區域，以至鏡頭拍攝角度，都幾乎同劉小麗參選時所拍的宣傳片一模一樣！

劉小麗接受八方查詢時話，尋日佢同助理睇到李思敏呢段片時，都睇到呆咗，覺得真係幾搞笑，估唔到李思敏竟然夠膽抄到咁足。對於李思敏接受《香港獨立媒體》查詢時聲稱無睇過劉小麗嘅宣傳片，連尋日出街呢段宣傳片都無睇過，劉小麗話覺得好荒謬，認為反映李思敏對自己個選舉似乎唔太上心，只係建制派的幕前傀儡，「咁大家仲點可以信任佢？」

劉小麗又慨嘆，建制派近年的選舉策略，就係除咗喺背後投放大量資源，喺政綱同宣傳設計亦抄到民主派十足十，例如早前當選九龍西議員陳凱欣，選舉期間就被揭發過政綱抄襲民主黨區議員嘅建議，所以佢希望巿民今次投票前，真係要帶眼識人。

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb