佐治古尼 艾未未 是枝裕和作品 入圍威尼斯電影節競賽單元

蘋果日報 2017/07/27 19:00

艾未未佐治古尼珍妮花羅倫絲麥迪文是枝裕和
  • empty
    當中最矚就係麥迪文主演、佐治古尼執導、高安兄弟編劇嘅黑色喜劇《Suburbicon》。
  • empty
    艾未未執導嘅紀錄片《Human Flow》同樣入圍。
  • empty
    仲有日本名導是枝裕和作品、福山雅治同役所廣司主演嘅《第三次殺人》。
  • empty
    導演Darren Aronofsky執導、影后珍妮花羅倫絲]主演新作《Mother! 》都係大熱。
    威尼斯電影節一直被視為奧斯卡潛在競爭者嘅前哨戰，而今日第74屆威尼斯電影節就公佈入圍名單，當中就有佐治古尼（George Clooney）執導、麥迪文（Matt Damon）主演作品《Suburbicon》最值得期待。
    威尼斯電影節早前就公佈香港導演楊凡成為評審團成員，令香港人更加關注今年之電影節。而競賽單元之中，最矚嘅就係麥迪文主演、佐治古尼執導、高安兄弟（Coen Brothers）編劇嘅黑色喜劇《Suburbicon》。另外，艾未未執導嘅紀錄片《Human Flow》同樣入圍，電影記述咗22個國家嘅飢荒問題。其餘較為人熟悉嘅入圍作品仲有墨西哥導演哥連慕迪多奴（Guillermo del Toro）講述人魚戀作品《The Shape of Water》、《黑天鵝》（Black Swan）導演Darren Aronofsky執導、影后珍妮花羅倫絲（Jennifer Lawrence）主演新作《Mother! 》、中國女導演文晏作品《嘉年華》 (Angels Wear White) ，及日本名導是枝裕和作品、福山雅治主演嘅《第三次殺人》，同樣一同競逐殊榮。