「有次夜晚我去完廁所出到嚟跌倒，起唔番身，我就爬去門口大力敲道門，希望有人聽到會嚟救我，點知冇人理，之後我攰到坐喺地下瞓着咗，到第二朝家務助理嚟送飯畀我，先至扶番我起身。」因中風影響說話能力的林景強吃力地說。
「連寫字都冇力」
強叔年來受盡不少苦頭，雖只年過半百，卻已白髮斑斑，容顏蒼老。強叔歎道，他未中風前任職卡拉OK經理，月入過萬，事業可說十分如意，惟自六年前第一次中風後，健康大不如前，只能轉任看更，三年前第二度「爆血管」，右邊身軀活動能力嚴重受損，右手軟垂無力，手指更呈扭曲狀態，需靠柺杖助行。
「我嘅人生真係變化好大，以前都叫做風光過，不過𠵱家連寫隻字都冇力，有時個腦諗到啲嘢把口又講唔出，有起事上嚟都冇辦法自己報警。」強叔苦笑着說。
記者有見強叔說話結結巴巴，有時更加詞不達意，遂要求他示範一旦發生意外時，能否流利地說出個人資料。只見強叔思索良久，勉強說出了姓名和住址，電話卻已記不起來。因此，強叔打算申請安裝平安鐘，卻因未足六十歲而不獲政府資助，中風後只靠些微綜援金維生的他，難以自行負擔有關費用。
全港規模最大的非牟利平安鐘服務機構「長者安居服務協會」總幹事馬錦華表示，「即使只係一秒鐘，對於中風病人嚟講都好重要，早一秒鐘得救，可以減少好多中風帶嚟嘅後遺症。」