「好大隻,完全唔驚人咁!」5分鐘之後,阿敏就喺牆邊嘅假草皮裝飾上面,見到隻肥嘟嘟嘅老鼠,「即刻冇晒胃口,毛管戙」。過咗大約15分鐘,米奇都唔係點郁,之後米奇爬咗上牆,睇個款係嘆完冷氣準備閃!職員拎晒架生準備去捉佢,結果只可以拜拜佢條尾。
阿敏一星期幫襯三、四次,但朋友每次飲完咖啡都肚痛,「我仲講笑話佢啲咖啡好有效喎」。𠵱家阿敏話唔敢再去,「點知有冇老鼠尿流入食物,佢哋有冇咬過啲包」。
餐廳發言人就回覆話,事發當日已經安排洗潔同滅蟲公司進行全店消毒,公司亦向管理處了解,對方話近日都收到其他商戶反映有鼠患問題,將會加強公眾衞生嘅工作。