肥監製錢國偉到新城接受薛家燕訪問，家燕姐大讚錢國偉扮韓國PSY跳馬舞好搞笑，仲一齊擺個馬舞甫士，不過佢話仲未因為呢隻舞帶挈佢搵錢。

身為紅監製，問錢國偉點睇查小欣主持嘅《爆足一周》腰斬？佢話：「前排都接受過佢哋訪問，但我只睇自己嗰part。我哋做監製只向好方面諗，向好睇就係黎芷珊個節目做得唔錯，希望佢繼續做埋《最佳女主角》、《最佳男配角》。」問他會否覺得余詠珊上場後有些節目都爛尾收場？錢國偉就話新班底新節目都需要時間，唔可以立即下定論。