《蘋果》讀者陳小姐就遇到上述情況，她與母親參加油麻地旅遊於七月九日出發的「張家界長沙五天團」。
次日集合始稱斷橋
以「前所未有」來形容是次旅程的陳小姐說，五日四夜旅程，標榜暢遊張家界名勝，三天會留在張家界觀光。根據行程，抵達第二天，早餐後由長沙乘搭旅遊巴士往張家界。但當日集合後，領隊宣稱張家界連日暴雨及水浸，連接張家界的橋樑被洪水沖毀，無法前往。
陳小姐憶述，當時團友十分愕然及反感，因為，取消該團的主力賣點，失卻此行原意。「全團人都好唔接受，之後嘅行程全部改晒，我哋試過坐喺一個公園入面足足三個鐘、又重複去番去過嘅地方；真係好離譜！」
領隊央求團友簽字
團友見被要求簽字的文件內容沒有提及放棄追討字眼，領隊又反覆懇求，最終簽署該文件。當他們返港後向旅行社投訴時，對方竟指團友已簽署更改行程同意書，故不能追究。
查悉當地早已雨災
陳小姐說，根本出發前當地已經連場大雨，旅行社冇可能唔知；而且水浸同沖爛條橋都唔係一朝一夕嘅事。點解事前唔畀大家知？若早知係咁，大家都可以另作安排，唔使搞到咁樣。明知去唔到都夾硬出團，佢哋真係好唔負責任！」業界常以「預計唔到」來推卸責任，好似冇嘢監管咁，一句天災，就話控制唔到而唔需要賠償，咁我哋市民重有乜保障？」