當年今日
關於我們

【賢仔Call馬】專登等大賽日搏殺 馬膽首選「天外天」(廖浩賢)

蘋果日報 2019/12/07 21:15

大摩國際賽麥道朗天外天廖浩賢賢仔call馬馬膽首選

明午(8日)沙田跑香港國際賽,是全季高潮所在,四場國際一級賽事,各地精英雲集。
加上有一眾世界級騎師客串出賽,就算同日其他普通讓磅賽事都顯得形勢特別緊湊。
一如概往大賽日大馬房精兵盡出,蔡約翰出馬14匹最踴躍,大摩亦有九匹不甘示弱,尤其主力將放在騎師麥道朗身上,「天外天」及「不羈的風」都係我重心選擇。
第二場三班1800米弗馬眾多,「天外天」本身在三歲已經能夠在同程贏馬,難度非常高。
計質素豈會是三班能留,之後演出反反覆覆,可歸咎於騎師走位失當有關。
此駒早前曾列後備二,補唔出馬房沒有安排返從化,反而試多課閘,埋門再落草地快跳,決心等今次大賽日上陣。
大摩明日屯重兵兼用麥道朗做影子主帥,「天外天」乃馬膽首選。
同場冷門要特別留意「福多寶」,目前評57分,唔選擇留力隔11日後跑四班1800米,寧願越級上第三班挑戰,近課快跳見出啱正腳,觀感極佳。
再數落去,「全才」有質素,但尺寸馬唔易發揮, 出動雷神可望跑高多少。
「神亮金剛」上仗後備補上贏馬,姿態俐落,李寶利跑四次兩冠一季,當然要兼顧。
「悅裕」計狀態無得彈,但戴圖理唔熟馬性,有所保留。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇