當年今日

向華強擬索償千萬
無線:保險賠唔夠TVB負責

蘋果日報 2002/01/07 00:00


【本報訊】張柏芝今次受傷入院,起碼需要數月療養,其所屬的中國星電影公司負責人向華強估計,柏芝是次損失超過一千萬港元,其中包括四部電影、三個廣告,以及內地和美國登台演出。記者昨日問向華強會否為柏芝金錢上的損失向無綫追討賠償時,向華強說:「會同律師研究吓!」
至於向華強太太陳嵐則說:「其實今次事件無綫都唔想,保險公司都曾經要求無綫做足安全措施先受保,都唔知點解會搞成咁,如果喺外國就賠死佢哋(指保險公司)。」向太又表示,柏芝今次損失了一個大型廣告,柏芝會因為錯失機會而傷心落淚。

向特技師追究原因
中國星考慮向無綫追討賠償,但無綫《慈善星輝仁濟夜》監製衛世輝,昨日卻表示會向負責今次飛車特技的技師追究責任,衛世輝說:「我哋會睇吓今次係意外,定係特技師喺程序上出問題,但柏芝自己就同我哋講,話知道飛車嘅安全措施做好晒,佢有信心至會做。」至於無綫總經理何定鈞昨日亦說:「無綫已經做足安全措施,保險公司賠唔夠,TVB都會負責。」