綜藝節目《RunningMan》（RM）人氣主持宋智孝，喺最近一項網上調查中，被韓國上班族選為「最會認真工作」嘅女藝人。

調查訪問咗1223名男女，宋智孝因為積極活躍於電影、戲劇同綜藝節目唔同範疇，以47.7%榮登榜首，足見佢正面積極嘅形象深入民心。

而《繼承者們》男星金宇彬以29.8%嘅支持率，榮登「最會認真工作」嘅男藝人，緊接後面嘅係《主君的太陽》男星蘇志燮、男團SHINee隊長溫流同埋JYJ成員朴有天。

RM成員已經完成印尼嘅拍攝日程，噚日已經返韓國。

成員李光洙日前就喺Twitter公開佢哋一班主持喺印尼嘅自拍照，戴黑照嘅宋智孝同佢嘅「周一男友」Gary喺張相嘅後方，但就唔見劉在石，唔知光洙係咪為咗「小報復」劉在石平時喺節目上成日蝦佢呢？