盧宛茵（Madam）今日到新城接受薛家燕訪問，近來一直忙於為八月舉行的棟篤笑做準備，她表示：「好多內容要諗又要練歌，而家暫定會唱3、4首，有中文有英文，所以近來個腦好多嘢諗，有時都瞓得唔好。」Madam又話自己一向做事認真：「我唔想Hea觀眾，所以對演出都感到一啲壓力。」

Madam表示自己喜歡嘗試新事物，又喜歡搞笑，所以才會有今次演出棟篤笑的構思，問到完成今次演出後可會嘗試在社交平台開帳戶跟年青人互動？她說：「我唔識呀，等我番去問吓個仔，不過如果可以嘅我都好想同班後生仔傾偈。」

至於到新城宣傳新歌的海俊傑，他說新作暫名《任何人》，找來Eric Kwok作曲，林若寧撰詞：「相信首歌係任何人聽到都有共鳴，大家經歷過對工作、伴侶都有不成熟嘅時候，但隨着人長大睇工作、婚姻、愛情都會唔一樣，而我亦同Eric講唔想太情歌，想畀人感覺成熟啲。」

至於早前為大台拍攝的電視電影《警察故事》，但他稱因近期的社會問題，令拍攝暫進度受阻：「不過只係拍四集，相信好快搞掂，希望配合到新歌宣傳。」至於新歌將在本月19號拍攝MV，預計8月推出。

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多