英格蘭前鋒朗尼唔單止因為醉駕被捕，而佢當時更被揭發同一名神秘女郎同車，惹來出軌疑雲。英國《太陽報》報道，朗尼出事嗰時，大緊肚嘅佢老婆高蓮正同3個仔喺西班牙嘅馬畸卡島度假。不過事件發生後，高蓮已經搭飛機返左英國，向朗尼興師問罪。

報道指，得悉事件嘅高蓮覺得好嬲同好尷尬，更加已向朗尼發出左最後警告。如果朗尼仲係死性不改，繼續嫖賭飲吹嘅話，相信呢段婚姻可能快玩完。