當年今日
關於我們

【李八方online】港台男神幫連登女神梁凱晴「上位」

蘋果日報 2019/12/01 14:43

李八方ONLINE

喺觀塘月華區勝選嘅「連登女神」梁凱晴自參選以嚟人氣極高,甚至紅到去日本,砌低建制派嘅佢今日以候任區議員身份現身港台節目《城巿論壇》後,成為紅衣藍絲大媽嘅追擊對象,一度喺梁凱晴準備時對佢大嗌:「屋企爛晒啊!屋企啊!」又話不滿有人示威時堵路同埋整連儂牆。台上嘅主持蘇敬恆見狀,就勸該名大媽冷靜,並一句K.O.佢:「紅色衫呢位女士,妳可以下次用投票去懲罰佢都得嘅!」梁凱晴就好禮貌咁話多謝巿民嘅意見。
梁凱晴之後接受傳媒訪問,由於身型嬌小,被咪牌遮住咗半邊面,《城壇》主持蘇敬恆見狀就主動化身搬運工人,抬嚟一個木台幫梁凱晴「上位」。
梁凱晴之後被問到被封「港版綾瀨遙」有乜感受時就有啲尷尬咁笑住話:「我高攀唔起呢個稱呼啦!因為始終自己係一個好普通嘅女仔」,話可能因為香港從政嘅女性比較少,所以一有女性從政,就會畀人一種耳目一新,惹來好大迴響,但都希望大家注重返佢哋區務嘅工作,「我覺得外表呢樣嘢係各花入各眼啦,我自己就覺得實在高攀唔起呢個稱呼」。
早前落區拉票時曾經遇襲嘅佢又話,希望嚟緊有時間學下武術防身兼鍛煉體質,但佢似乎嚟緊都未必有時間嘞,皆因佢目前仍未辭工,力爭明年6月可以考到專業會計師資格,更好服務巿民。
-----------------------------
【民陣國際人權日集會】
日期:12月8日
時間:下午2時至6時
地點:維園
主題:守護香港.和你同行
*不反對通知書申請中
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此
empty
林俊謙攝