【主動遷就另一半】釗峰縱女友染公主病 曾在街上吽等3粒鐘
蘋果日報 2020/06/01 17:23
C AllStar釗峰
右圖攝影：張明
網上欺凌愈見普及，男女朋友互數亦常見，好像台灣男星羅志祥（小豬）與大陸網絡紅人周揚青分手事件更成為娛圈「食花生」事件。釗峰今日去到黃埔新城電台宣傳新歌《佚名》，其新歌就是講述長期被欺壓的男友上網數臭女友，釗峰笑言：「女友嬲嘅理由會有好多，但我拍拖嘅時候會遷就對方咗先。」
釗峰承認自己是造就公主病的「兇手」，他說：「喺初時拍拖係造就更多公主病，之後就返唔到轉頭。」釗峰表示，試過初相約女友出街，結果在街上等了對方3個多小時，他笑言：「當時驚佢走，但我試過之後，往後都唔會咁做，如果佢鍾意你，就會鍾意你成個人。」釗峰表示，自己沒有習慣在網上發洩，他說：「我唔需要呢個出口，我會將意見同諗法放喺歌曲上。」
採訪、攝影：張明
-----------------------------
釗峰到新城宣傳新歌《佚名》。
新歌故事講述長期被女友欺壓。
縱容女友得公主病。