今個月,由女星申世京、韓團f(x)成員Krystal同少女時代成員秀英擔正嘅新劇《鋼鐵人》、《對我而言可愛的她》同《我人生的春天》將會陸逐首播,再次掀起水木劇收視之爭外,亦令人期待邊個會登上水木劇女皇嘅寶座。
三位女主角同樣都係劇界嘅新星,當中Krystal同秀英更加係歌手出身,令觀眾期待佢哋嘅表現。不過,當中申世京似乎唔多被網友睇好,近日有網友形容申世京嘅演技未得人心,仲用「收視毒藥」嚟形容佢,認真陰功豬,網友仲話雖然劇集有李東旭坐隱,但都好難幫助收視。
相反,Krystal就好評連連,過去佢喺劇中都飾演配角,但演技就令人印象深刻,網友對佢期待十足,而秀英嘅新劇雖然故事老套,但亦得到網友力撐。