工程公司禮頓亞洲持續醜聞纏身，除咗佢哋負責嘅沙中綫紅磡站擴建工程出現剪鋼筋外，就連蓮塘口岸工程都被指拖糧500萬。八方發現，原來上星期五（22號），有清盤人喺報紙落廣告，宣佈一間叫做「禮頓建築（中國）有限公司」自動清盤，促請相關債權人要盡快將資料寄畀清盤人，即時成為建築界花生。

翻查公司註冊處資料，呢間禮頓建築（中國）原來係禮頓亞洲個孫，即係子公司嘅子公司，股東就係禮頓建築（亞洲）同埋最大嘅控股公司禮頓亞洲。呢間做過澳門永利酒店工程嘅公司，今個月19號通過決議，同意自動清盤。睇番資料，最初簽約承辦紅磡站工程嘅係控股公司禮頓亞洲，至於作為佢個孫嘅禮頓建築（中國）有冇參與過港鐵相關工程，就不得而知。八方向禮頓亞洲查詢，結果佢哋話拒絕回應。

有工程界人士話，工程公司重組架構，將部份子公司清盤唔係罕見嘅事，唔一定反映有財困。不過，佢話自從禮頓爆出一系列醜聞後，相信好多債仔為求安全都會即刻向禮頓追數，而監管部門對禮頓負責嘅工程亦一定會睇得好緊，變相令禮頓嘅工作效率降低，成本自然變大，錢亦會賺少咗，所以財政受到影響都好合理。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
3月28日 10am-11pm《MINI GAME大挑戰》
玩小遊戲隨時送你去任何地方嘅來回機票
https://bit.ly/2WigzsG