城城寫揮春 宗師上身
屬蛇的郭富城舞技了得就眾所周知,原來寫書法都有一手,仲好有功架,十足宗師上身。今個農曆年城城即席揮毫,畫了一幅阿拉伯數字2013的蛇,祝願大家蛇年行大運,再來一張新春大吉,人人都大吉大利。
今年47歲屬蛇的郭富城今年犯太歲,傳統的他雖然不特別迷信,但依然會去攝太歲,望新一年平安順利,城城笑言自己絕對不是一條大懶蛇,蛇年的工作已排得滿滿,下月紅館演唱會,5月開拍電影《寒戰》續集,之後到各地巡迴演唱,絕對是一條勤力蛇,城城坦言:「新一年最希望身體健康,因為之前拍戲要不停食煙,又唔夠時間休息,搞到身體唔係咁好,要健康先可以應付到工作。」
一向孝順的城城,由細到大母親都會在大年初一為他準備新衫新褲、底褲和拖鞋,迎接新一年,城城笑言:「唔理阿媽買乜款式,總之一定會着佢買畀我嘅嘢,媽咪年紀都唔細,梗係要聽佢話,同埋近幾年我一有時間就會多啲陪佢。」既然如此孝順,不如結婚生個蛇仔,等母親更高興,城城即以其大佬作擋箭牌,他說:「我大哥大我8年都未結婚,而且我媽咪一早有孫,冇擔心過呢個問題。」
【今日我至潮】城城寫揮春好有功架,估唔到佢都感受到宗師潮,將寫揮春同功夫合而為一。
城城坦言未有做老竇的心理準備,他笑言:「玩人哋啲細路咪得囉。」他指男人應以事業為重:「另一半應該懂得欣賞男人嘅上進同努力,唔明白好難一齊,總之一切順其自然,冇得強迫。」
另外,城城日前接受有線訪問,他準備一大堆美食給主持享用,城城說:「我搵咗日傭嚟整㗎。」日傭?莫非是日本外傭?城城即解釋:「我屋企個工人只係做日頭。」
採訪:胡比
攝影:陳志嵐
場地提供:都會海逸酒店
服裝:I.T 、中藝天工閣
髮型:Ian Wong of ii salon
化妝:Hetty Kwong
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/