【真係好吃香】起酒店只邀「同志」入住 徐錦江成藝術園搶手貨
藝術園徐錦江
咪睇徐錦江拍埋啲戲,唔係做騎呢就搞笑,甚至扮鹹濕佬,其實佢嘅藝術天份極高,除咗師承已故嶺南畫派國畫大師關山月,已是內地一位知名畫家和雕塑家,其藝術作品有價有市,一幅畫有人出價150萬要買走。
除咗畫畫,徐錦江更有附諸行動,建立藝術園圓自己心願,佢喺舊年接受《蘋果》訪問時,提到喺安徽蚌埠市龍子湖旁邊得到金主支持合資興建藝術園,整個藝術園投資額約60億人民幣,佢喺園內佔有錦江藝術中心、螞蟻咖啡館及錦江藝術酒店3個項目,個人總投資約5,000萬人民幣。
徐錦江更親自落工場監工,指導工匠如何裝修,園內除咗有個藝術中心除咗會展出佢嘅作品,仲有紀念佢同太太螞蟻愛情故事嘅咖啡館,仲有酒店招待一啲志同道合朋友嚟交流。
最港電影大獎投票網址
http://bit.ly/thekongestfilmawards
精選娛聞,喺晒《娛果》
http://fb.com/appledailyent