韓國神劇《太陽的後裔》男星宋仲基下月底會同同劇拍檔宋慧喬結婚，早前雙宋就飛咗去美國影婚照。

而宋仲基早前就趁空檔為雜誌《Marie Claire》釜山國際電影節特別刊拍攝封面，佢封面照仲晒少少鬚根man爆相，同佢以往青靚白淨Look有啲唔同。

對於佢《太陽》後嘅新作《軍艦島》票房結果同受到批評，宋仲基坦言自己都有抽離咁去反省，亦覺得如果自己表現得更加好嘅話就能向觀眾傳達電影嘅訊息。宋仲基話：「不過我肯定前輩為電影付出嘅時間都係成長嘅時間。」而宋仲基下一部作品就想演出唔會令自己後悔嘅作品。