姜濤愛吃已經不是秘密，不過從未在鏡頭前炮製美食的他，最終把這個第一次交給了「懶茜廚房」，在今晚播出的節目內示範最愛的煎牛扒，姜濤表示這是他唯一懂得煮的食物。

現年21歲的姜濤，入行短短時間已成為萬人迷，他亦從不介意公開自己的過去，包括讀書時代的頑皮事，完全沒有偶像包袱。而曾經是肥仔一名的他，自言將來有可能會再肥，因為減得到就會肥得番。他說：「我目標都係將來肥番，因為一世瘦都好痛苦。」

經歷過肥人生活，姜濤指自己不介意將來另一半肥胖，又說自己將來會變肥後才識女仔，那便不用減肥追女仔了。姜濤說：「我會畀以前肥嘅相佢睇，講定幾年後我會係咁，佢接受到就ok，因為以後變成咁係必定嘅定律，所以對方一定唔可以歧視肥人。」

除此，姜濤認為另一半的人品性格比外表重要，會重視對方對家人態度。茜利妹問他會否閃婚？姜濤相信自己不會，因為結婚都想一生一世，認為閃婚比較衝動。雖然如此，但姜濤亦有憧憬將來的生活，他說：「賺到錢就唔搞咁多嘢，安安靜搵個細細哋嘅地方住，叫吓外賣同睇劇，生意都唔做，因為怕俾人呃，錢係搵唔晒嘅，地方唔使咁大，因為打掃好麻煩。」