【金像獎前哨戰】消除港人拍大陸片尷尬 曾國祥:會喺香港繼續拍
曾國祥合拍片香港電影金像獎七月與安生
曾國祥(Derek)執導的電影《七月與安生》,在今屆香港電影金像獎榮獲12項提名,自己亦獲提名最佳導演和新晉導演。翻查資料,其父曾志偉執導過無數電影,也未試過獲提名最佳導演,問Derek可有在父親面前認叻,他笑說:「唔好咁囂張!我同佢(志偉)好唔同,大家對電影鍾意嘅嘢都好唔同。爸爸鍾意嗰啲令到人開心,好多正能量嘅戲。你知我哋呢啲新導演,都係鍾意拍埋一啲死人冧樓㗎嘛。」
近年有很多新導演冒起,如《點五步》的陳志發,《一念無明》的黃進,《樹大招風》的許學文、歐文傑和黃偉傑,題材也打正「本土」旗號,是否意味着本土電影抬頭?Derek說:「我覺得唔止今年,其實前幾年都係。好事嚟,大家都想撐番本土電影。今時今日,睇香港電影嘅人,好多時候都係得番香港觀眾。」
香港電影業近年存在一個尷尬位,就是本土電影和合拍片好像處於一個對立層面,每逢港導北上拍大陸片,都會慘被批評,Derek以一個香港人身份,拍一齣內地電影,自己又怎樣自處?他說:「其中一個最擔心嘅,都係作為一個香港導演,點樣去拍一個同內地接軌嘅戲,同埋我又想所謂嘅接地氣,唔好離地。所以一開頭會做好多準備工夫,確保無論係歌呀、情境呀,所有嘢都係合情合理。」
說到底,電影取決於劇本和拍攝技巧,只有好壞之分,而沒有本土還是合拍之分,《七月與安生》的12項提名便證明了這論點。既然Derek拿捏準確,往後會否繼續以這個模式拍攝?他說:「應該要睇番你故事本質,應該係喺咩地方發生。我覺得香港導演係好幸運嘅,可以選擇喺一個大啲嘅market,同埋多啲唔同嘅環境空間去諗。但始終作為一個香港電影人,我一定會喺香港繼續拍戲。」原來Derek已構思一部以南亞裔黑幫題材的電影,已找了幾位好友做research:「我覺得係依家香港成日發生嘅一件事,我好想去了解,好想去知道發生咩事。」