今時今日被商家利用的節日多不勝數，在母親節捱貴餐、四出搵位在所難免。如果今日想愛媽媽多一些，不妨以行動講畀媽媽知喇。

點解？因為今日（9月2日）係國際母親偷懶日（National Lazy Mom's Day），定於每年9月第一個星期五，至於點解係今日，已經無從稽考，就網民今日都會開心share，乘機輕鬆一下。雖然今天沒有甚麼特別，但在香港已為人父、人母的你，相信會有深刻的體會。「為子女準備開學已經心力交瘁，今日是開學之後第一個星期五，終於望到周末的曙光了！」也許這是你的心聲吧。

作為子女的你，今日應該是不可以休息的一天，因為洗衫、煮飯、清潔都要你一手包辦，平日媽媽的工作，今日你都要一力承擔，而媽媽今天的工作就只有……偷懶，或者這樣交換角色，真係可以令子女了解媽媽平日的辛勞，說到底，人也是善忘的。

或許你會話，「我是職業女性，根本沒有可以偷懶的一天。」的而且確，今時今日在職媽媽多如繁星，家中的工作都由「姐姐」處理，子女根本不需要分擔家務，但係今日，不妨畀自己放鬆一吓，嘗試泡一個澡、放縱自己食甜品，亦都係唔錯嘅選擇。如果是「無飯家庭」，不妨今日叫外賣，畀自己一個休息的機會喇。如果你睇到本文時已過了9月2日，也給自己一個補祝的機會吧！

記者：盧逸文