【又做老竇】離婚半年再奉子成婚 周永恒為囝囝搞百日宴
陳薇周聖恩周永恒趙頌茹
自認「人渣」嘅34歲周永恒(Roy),喺14年同前助手Ruby(劉依靜)搞婚外情,之後仲拋棄前妻趙頌茹(Yu)同兩個女,加上又動手打老婆,當時被網民封為「世紀賤男」。
雖然係賤男,但Roy不愁冇女埋身,自去年尾同阿Yu搞掂離婚後,先後同Ruby、周芷儀、黃芊泳搭上,到舊年又搭上32歲國產女陳薇,Roy幾乎每年換一個女友。
不過估唔到Roy,今年6月被爆同陳薇入紙排期再婚(相關新聞︰ https://bit.ly/2HkeHI5),原來係奉子成婚,9月時陳薇幫佢生咗個重7磅4嘅男B,仲改名叫周聖恩。
讀者郭小姐提供一張周永恒為囝囝搞百日宴嘅相,不經不覺周聖恩已經三個多月大,相中嘅Roy面露笑容,抱住肥嘟嘟、眼仔精靈嘅囝囝,而第二任老婆陳薇,就用手摸住囝囝塊面,睇嚟陳薇亦已經收咗身,而影相嘅背景以藍色襯白點及汽球為主。
再做老竇嘅Roy,曾經講過睇住個仔,就諗起同阿Yu生嘅兩個女,仲話個仔好似兩個家姐。
精選娛聞,喺晒《娛果》
http://fb.com/appledailyent