【靚仔都係罪】唔介意畀人話係Player 林德信:好過對我冇印象
林德信曾若華On the Road
林德信同曾若華今日喺商台宣傳首支合唱新歌《On the Road》,曾若華透露佢哋已經識左2、3年:「不過係instagram上面嘅朋友,直到有次朋友嘅聚會先真係識,然後本身我哋想為對方拍MV,不過時間唔啱,就變左一齊寫歌。」
問曾若華有冇畀林德信電親?佢即好冧咁話:「梗係有啦,不過我好多朋友都問我佢係咪bad boy、player,我唔覺囉,佢好乖。」佢仲大讚林德信識煮嘢食同揸電單車,拍新歌MV嗰陣,佢坐電單車尾,笑言應該好多女仔妒忌。
林德信話自己唔介意畀人話係player:「好過對我冇印象,咁大家又有得玩下,其實人哋講乜我唔介意,我好乖㗎。」不過佢就笑指嗰日揸電單車,曾若華坐車尾嘅時候,淨係覺得好熱同攰:「我架車仲喺highway壞左,推左一段好長嘅路。」
精選娛聞,喺晒《娛果》
http://fb.com/appledailyent
林德信同曾若華今日喺商台宣傳首支合唱新歌《On the Road》
問曾若華有冇畀林德信電親?佢即好冧咁話:「梗係有啦。」
林德信話自己唔介意畀人話係player:「好過對我冇印象。」