翻拍自日本漫畫嘅真人版電影《變態超人》，令大隻男主角鈴木亮平成功打響知名度，電影13年上映時仲喺香港同埋台灣掀起一陣話題，由於亞洲區反應唔錯，片商一直話開拍嘅續集終於定5月14日喺日本上映，除咗繼續由鈴木亮平拍住清水富美加擔任男女主角外，亦有不可多得嘅大配角安田顯同埋片瀨那奈，而今次仲加入柳樂優彌、新井浩文等角色，日前已公開全新海報及Trailer，都係一貫玩嘢嘅重口味作風。

不過《變態超人2》預告片中出現一幕「HKisDEAD」嘅畫面，雖然HK只係變態超人嘅簡寫，之但係好多香港觀眾同埋網民，睇到「HKisDEAD」似乎另有一番感受，估唔到連變態超人都一語道出晒香港人嘅悲觀心態。

Trailer
https://www.youtube.com/watch?v=BwgUvj9O79A