曼城禮拜日會喺英超作客水晶宮，爭取追平歐洲球壇頂級聯賽19連勝嘅紀錄。藍月亮家陣喺英超領先第2位嘅車路士13分，兼且踢少一場。睇落（同實際上）係唔錯嘅優勢，但你以為領隊哥迪奧拿無乜嘢煩惱咩？咁就錯嘞！

藍月亮領隊哥迪奧拿承認，擔心球隊到底係咪可以應付到喺英超、英格蘭聯賽盃、英格蘭足總盃同埋歐聯嘅四線爭標喎，果然係非一般嘅煩惱，邊係我哋呢啲凡人諗得到㗎，唔係你以為哥帥真係咁易做？哥迪奧拿話：「我真係擔心㗎，曼城要四線爭標，我都唔知係咪做得到。咁頻密嘅賽程真係要小心應付。我擔心係因為球隊無可能每四日就踢一場波，之後有英足盃，跟住英聯盃對布里斯托城，但係我啲球員唔可以每三日就踢足90分鐘，佢哋都要唞下，先至可以有最好嘅狀態去應付季尾嘅比賽。我成世人都未面對過呢種情況，三線爭標我試得多，四線就真係未試過！」

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM