提起本地老牌旅行社永安旅遊，港人都應該好熟悉佢哋一姐、行政總裁梁港蘭，經常喺傳媒鏡頭露面。梁總畢業第一份工就係永安，台前幕後乜嘢工種都做過。佢兩年前離職，八方都覺得好突然。永安噚日講復活節巿道，赫然發現梁港蘭重返娘家。
梁總話，離開兩年去咗叉電，到過中國、星馬泰等國交流，眼界闊咗好多，最近永安叫佢返嚟幫手，佢話好感恩答應，「返到永安好似返番屋企。」充完電，真係精神奕奕，問佢有冇升職加薪，佢笑笑口話，做返行政總裁，人工好滿意，「上月公司平均加人工5%，仲有一個月花紅。」