【前後腳睇騷】當蔡思貝冇到? 麥秋成孖住新女入場
鄭融蔡思貝麥秋成AGA江海迦
Dragonland音樂節今晚喺中環海濱長廊舉行,有Black Eyed Peas、Carly Rae Jepsen等表演嘉賓。早前已經影到有蔡思貝、張曦雯、劉珮玥等人現身睇騷。
另外,AGA江海迦、鄭融到場睇騷,鄭融外套裡面原來着咗件透視裝,佢話好喜歡重型音樂,好容易令自己投入,今晚主要嚟睇The Black Eyed Peas。
蔡思貝到場後冇幾耐,傳聞同佢分咗手嘅男友麥秋成就同另一個女仔入場睇騷,個女仔一見記者就即刻彈開。問麥秋成同佢睇騷嘅女仔點解走開?佢同記者講:「俾你哋嚇走囉。」問佢係咪約咗蔡思貝睇騷,麥秋成就話:「係咩,佢嚟咗咩?」再問佢係咪約咗蔡思貝,佢就話:「我唔話俾你聽。」講完佢就入場,而之前彈開嘅女仔亦都跟住入咗場,麥秋成入場之後就喺門口等個女仔。同場仲有李彩華同男友何遠恆亦孖住到場,不過何遠恆見到記者即刻彈開。