【逆權運動】金鐘近百人中秋悼9名離世者 「我哋會繼續行落去」
金鐘反送中離世者
有市民拿出9個寫上9名離世者名字、穿上黃色雨褸的公仔,並放在白花後。董立華攝
在這個逆權中秋夜,有市民特意在金鐘連儂牆出席悼念活動,以悼念在反送中浪潮中離世的9名人士。約晚上8時,約100名市民到金鐘連儂牆外燒衣、上香、提着燈籠悼念。
黃先生今晚亦有到場,黃稱特意到場紀念離世的戰友,並提及同時悼念兩年前離世時稱「一地兩檢不能相信」的浸大同學。黃先生指,到場後看見市民提着點亮的燈籠,「就諗有句說話叫人死如燈滅,而家着住咁多嘅燈、咁多嘅火,但佢哋已經返唔到嚟。」他續指,如果最初沒有反修例風波,離世的9人「佢哋可能仲同屋企人一齊慶緊中秋、同朋友一齊賞月點蠟燭。」
他又指,今日前來悼念,想起電影《烏克蘭自由之戰》中一句對白,「如果現在我們接受政府的條件,我們死去的朋友是不會原諒我們的」,「所以我哋會繼續行落去」。
黃續指,「憤怒係行落去相當重要嘅動力」,寄語同路人如果感到疲累或是想放棄,可回想在反送中浪潮中失去的生命、受傷的同路人,「死X咗咁多手足,你而家放棄,對得住佢哋咩?攰嘅可以休息下,但下次活動,我都希望見到你哋。」
同樣出席活動的黃小姐指,到維園前先到金鐘悼念離世的同路人,「佢哋為香港付出咗佢哋嘅性命,首先要多謝佢哋先」,同時指「香港人一定唔會忘記佢哋」。她又指,香港人不怕辛苦,故不會介意在中秋佳節堅持抗爭。
黃稱,除五大訴求外,亦希望重整警隊,「佢哋濫權,好似香港最大佢哋咁」,預計反送中之戰戰線甚長,「要振作起嚟,望下周圍有好多人陪住你,繼續上街!直至爭取到要爭取嘅嘢為止。」
孫先生帶同白菊花到場,並在連儂牆前獻花,「嚟悼念佢哋幾位人士」。對於反送中運動已逾3個月,有人可能感到疲累或者計劃放棄、甚至有輕生念頭,孫先生哽咽指,「我哋唔可以失望任何一位義士……無咗好多喇……唔可以再無……真係缺一不可!」
-----------------------------
日期:2019年9月13日
時間:晚上7時半集合;晚上8時起牽手築人鏈
地點:各區公園、遊樂設施
參加者可叫「五大訴求 缺一不可」、「光復香港 時代革命」、「我要真普選」、「平反721、831」等口號,向國際社會展示港人打不死的精神。
-----------------------------
日期:2019年9月15日
時間:下午3時起步
起點:銅鑼灣東角道
終點:遮打道行人專用區
*獲反對通知書,民陣上訴失敗
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港