日劇《失樂園》女主角川島直美，上周四因肝內膽管癌去世，終年54歲。昨日下午其甜品師傅丈夫鎧塚俊彥為佢設靈，多達1,500個圈中人出席，另外亦有800名影迷到場致祭。今日川島出殯，連同影迷在內亦有1,500到場送別佢。

當川島嘅靈柩被送上靈車時，在場送別嘅粉絲都鼓掌致敬，更鼓掌長達超過6分鐘，對川島嘅演藝生涯表示讚賞。其夫鎧塚就話好感謝影迷為妻子送上掌聲，相信妻子在天之靈一定感到好開心。而鎧塚捧住寫上妻子法號嘅靈牌，送棺木上靈車時，終於忍唔住痛哭，見者心酸。

今日亦有眾多藝人到場送川島最後一程，包括有SMAP嘅草彅剛、中島美嘉、秋元康、老牌女星倍賞千惠子、名作家林真理子等等。