無綫嘅劇雖然一向都係是是但但，但都會有少少資料搜集嘅，不過今日雲海就分享咗一個故事，係同一個無綫嘅高級資料搜集員有問嘅。

雲海今日喺facebook貼咗張圖，內容就係一個無綫嘅高級資料搜集員，想搵佢請教一啲有關「都市傳說」嘅資料，佢仲話：「我原本只係放personal account！但係忍唔住，放開嚟先！

「無綫真係好嘢，之前佢託人搵我我已經冇理佢，而家send個電郵，美其名話做訪問，其實就想我免費做編劇內容提供資料者！我又唔識你，我同無綫又冇交情，你要資料可以聽我節目睇我專欄睇我書！免費年代真係好恐怖！所有嘢都應該老奉畀你哋？！
ps. 如果我回佢時間係2012年12月21日，地點係火星，會唔會玩得太大？！( 我到咗喇唔見你嘅！)
ps. 同埋真係認識我就唔會send個email來撼頭埋牆！」

今次無綫要搵「都市傳說」嘅資料，會唔會見到ViuTV嘅《詭探》有口碑，都想拍相關嘅劇呢？