鼠王芬硬食「狗屎法律」極度不滿,唔等到投票一刻就起身離場以示抗議,份屬「專業會議」嘅何鍾泰幫拖,指立法會只得一個議員教法律,陳偉業針對邊個好明顯,就連恥笑鼠王芬買廟街貨嘅石禮謙同法律超人謝偉俊,都聲言睇唔過眼曾主席咁唔公道,一齊離場。
結果,石禮謙、謝偉俊同鼠王芬都冇就釋放劉曉波議案投票,佢哋既冇投贊成票,亦冇留下投反對票紀錄,反觀都有離席抗議嘅何鍾泰均真好多,轉頭就入返去㩒掣投反對票,佢做得人大代表,呢一票又點走得甩呢?
事後鼠王芬聯同何鍾泰、劉秀成、石禮謙、黃宜弘、謝偉俊去信曾主席,表示不滿其裁決,更聲言可能有更多議員聯署,曾主席分分鐘俾鼠輩煩到暈。
mailto:
[email protected]