股價走勢其實反映各自商業周期，每隔十年都會有行業從高峯回落；97主權移交後，兩大食息一族愛股電盈（008）及滙控（005）分別爆煲。沙盤推演下個暴跌收息股，以公用股及寫字樓reits最高危。本地公用事業屬優質資產，個別如港燈（2638）今年升2.6%，足證投資者對其派息信心。公用股屬發牌機構，在中資上、港資退主旋律下，未來會否改向國企發牌成關鍵，一旦失去牌照便得物無所用。

中環中心蟹貨見證回落

古天后指，不會估下一隻爆煲收息股，因電盈（008）及滙控（005）都有特別原因而爆，無人能預知未來；如有意用財產收息作退休後收入，建議買入固定資產，即債券。較穩健選擇是政府債券，較進取可加入公司債。

另一高危是寫字樓Reits，疫情令全球經濟冰封，在家工作成大趨勢，工作地點重要性降低，實際需要面積亦可減少，而中環中心蟹貨見證本地寫字樓從高峯回落。三隻有本地寫字樓收租的陽光房地產基（435）、泓富產業信託（808）及冠君產業信託（2778）已跌逾兩成，惟疫後寫字樓難反彈，租金及出租率仍有下調迹象，派息能否維持水平成疑。

李聲揚較擔心高息ETF，「有啲可以派五、六厘息，買美債先得半厘息，（唔通）買美債嗰啲係儍仔？其實你係買咗個風險溢價，代表個價可能會跌或有其他嘢發生」。