由ARON、JR、REN、旼泫及白虎組成嘅韓國五人男子組合NU'EST，因為早前有四位成員參加人氣選秀節目《PRODUCE 101》而人氣急升，最終旼泫成為限定男團Wanna One成員之一，要暫停NU'EST活動，不過其他四名成員就組成小分隊NU'EST W繼續活動。

適逢中秋佳節，白虎早前就於綜藝節目《Weekly Idol》中被選為「節日時最想向家人介紹的明星」，今日白虎就聯同另外三位成員，一齊向香港嘅粉絲送上祝福，公開一輯穿上傳統韓服造型嘅相片，更入鄉隨俗拎住月餅，送上祝福。

另外，NU'EST W日前亦公開一段短片，預祝大家可以跟家人及美食度過一個愉快嘅節日，REN更提醒出遠門嘅粉絲要小心駕駛，非常體貼。

而NU'EST W將於下月18日來港舉行由德碩文化傳播有限公司主辦嘅《2017 NU'EST SPECIAL CONCERT in HONGKONG》，門票將於下周五正式公開發售，票價分為$1,580（VIP）、$1,080及$680，持VIP門票嘅粉絲更有機會跟成員進行擊掌。