今午沙田日馬重頭戲係第八場太子珠寶鐘錶精英盃，贊助商搵咗一大批嘉賓到場助興，並頒發第六屆「太子珠寶鐘錶精英獎」，得獎者包括於經典劇集「大時代」飾演主角丁蟹之鄭少秋、近年單飛發展搵到盆滿缽滿之阿Sa蔡綽妍、人氣歌手軒仔張敬軒及「牛下女車神」李慧詩，代表電視、電影、歌唱及體育界別。
除咗上述四人，其他嘉賓包括「陸叔」陳永陸、吳孟達、李丞責等人，最受歡迎當然係秋官啦，佢做足本份，滿場飛「被捕獲」，周圍同人騷騷，逢人嗌佢合照亦來者不拒，搞到場面鬼咁熱鬧，秋官魅力果然有番咁上下！