現年27歲嘅AKB48首代一姐前田敦子今年夏天宣佈閃婚，與拍拖唔夠半年嘅男星勝地涼奉子成婚，前田敦子預產期係明年春天，現時佢已經停工，迎接小生命來臨。

雜誌《女性Seven》日前拍到前田敦子光顧位於六本木山嘅高級餐廳，挺巨肚嘅前田敦子獨自前往餐廳用膳，雖然坐喺露天位置，但就揀選坐喺暖爐旁邊，飲料亦點熱飲，其間前田敦子更不時撫摸巨肚，流露母愛。報道話佢哋兩夫婦已經知道BB性別，亦已改定名，不過由於勝地涼工作忙，佢哋好少時間享受二人世界，而前田敦子不時都會整定便當去探老公班，相當賢良淑德。

精選娛聞，喺晒《娛果》
http://fb.com/appledailyent