由金泰希同周元主演嘅SBS新劇《龍八夷》噚日播出第13集，收視比上周一集勁升2.4%，以21.5%成為同檔收視冠軍，收視亦再次刷新紀錄，成為開播以嚟收視最高嘅一集。

噚晚一集講金泰賢（周元飾）成功協助韓茹真（金泰希飾）展開反擊，泰賢仲同茹真登記結婚，等佢可以擺脫茹真同父異母嘅哥哥韓道俊（趙顯宰飾），而茹真亦成功令道俊被捕，仲成為咗真正會長。點知就係一直都安定之後，今晚播出嘅一集就會透露茹真同泰賢嘅瓜葛，原來三年前泰賢嘅母親失救原因就係茹真，令泰賢大感驚訝。

另外，同檔KBS嘅《Assembly》就有5.4%收視，第一次晉升上第二位，而由崔始源夥拍黃靜茵、高俊熙入伍前最後一部劇、MBC《她很漂亮》，噚晚首播收視未能成功追擊《龍八夷》，僅錄得4.8%收視，包尾墊底。而《她很漂亮》一班演員日前就為時尚雜誌《COSMOPOLITAN》拍攝封面照。