韓國兩大年輕偶像秀智同朴信惠都擁有唔少粉絲，好在佢哋風格唔同，一向都係河水不犯井水，不過佢哋都會不時update下近況慰勞一下粉絲。

好似秀智BB咁，今日佢就係Instagram上載三張係拍攝廣告現場嘅照片，只見秀智BB化咗個好濃嘅妝，個咀仔搽到好紅，令一向形象清純嘅秀智BB即刻增添咗成熟美，仲好鬼美艷添。


至於朴信惠最近亦都為雜誌影咗一輯新相，佢仲換咗多套服裝，演繹出性感、可愛、成熟等百變形象，仲大擺唔到甫士，十足十一個專業模特兒一樣。

另外，同朴信惠拍完劇嘅李鍾碩都有新廣告照公開，佢之前為太陽鏡品牌拍了一輯新宣傳照，一展佢型男嘅魅力。