粉絲要心碎啦，Oppa唔係結婚就當兵，現時28歲嘅韓國男團JYJ成員朴有天，早前先拍畢劇集《看見味道的少女》，近日就忙於開粉絲見面會，今日就表示佢將於8月27日入伍。

目前朴有天入伍嘅場所同具體內容就尚未公開，而隊友金在中已於年初入伍，預計朴有天會成為JYJ第二個入伍嘅成員，目前亦未知另一金俊秀幾時當兵

而朴有天噚日同今日，一連兩日於韓國舉行粉絲見面會「HouseWarmingParty」。活動中，朴有天會變身為主廚，於舞台上展示隱藏已久嘅廚藝。另外，佢又於會上同粉絲分享近況，以及就上星期於第51屆百想藝術大獎獲得電影組別最佳男新人一事向粉絲表示感謝。