彭浩翔早年自爆亞視writer出身，當時佢稱亞視職銜係寫佢做編劇，連糧單都註明呢個職銜，不過被同係亞視出身嘅杜汶澤踢爆彭浩翔職務係「writer」，阿澤直言：「writer係低層次，即係唔威。」(新聞連結： http://bit.ly/1GmtVb5 )不過二人早已離開亞視。

日前有傳王維基想買亞視，令全城轟動，彭浩翔接受《蘋果》訪問，當時表示：「真㗎？有期待，好希望可以同亞視娘家有合作機會，我亞視出嚟，點合作都好搵我做住持，做劇集咩類型都好，有多啲選擇同競爭。」(新聞連結： http://bit.ly/1Dtmhgg )其後王維基發聲明否認買亞視股權，亞視即使最後找到新買家，亦因為未於早前向政府提交相關文件，最終被政府「釘牌」。

今日凌晨，彭浩翔再為亞視於微博留言：「作為前員工，亞洲電視於我，就像個已昏迷了十幾年的親人。這些年好幾次聽到病危，趕赴醫院欲見最後一面，結果道氣話斷未斷，半死不活的拖下去。亞視早已淪為除了賭仔，就只剩下按錯時才看到的電視台（在香港，誰不是呢？）。坦白說，它被結束，其實是種安樂死。對公眾和亞視，未嘗不是解脫。早死早超生。」