韓劇《巴黎戀人》男星李東健，今年5月同劇集《月桂樹西裝店的紳士們》嘅拍檔趙胤熙奉子成婚，隨後兩人於9月補辦婚禮，更飛到關島度蜜月。

由於BB預計喺明年初出世，所以噚日李東健都放心撇下老婆，來港開工賺奶粉錢，李東健噚晚喺中環出席網上購物平台嘅聖誕派對。

而佢喺現場亦有受訪，談及老婆趙胤熙就快生得，佢接受訪問時話好心急返韓國，又話：「我好耐冇嚟香港，明天就會返回韓國，離開太太亦感到不安，好想快點回去。」問到BB幾時出世？李東健就就話正確日子仲未定，不過都快㗎啦，0依家係好愉快嘅心情迎接BB，亦係今年收到最好嘅聖誕禮物。

李東健又話到韓國傳統，老公都會入產房陪產，所以自己亦唔會例外，已經買晒需要嘅物品。自從今年7月拍完戲之後，李東健一直休息陪老婆，佢笑話等老婆生完B之後，都要努力工作搵奶粉錢，不過暫時都未知幾時復工，呢段時間會繼續陪老婆同湊B。

更多韓流，喺晒《娛果》
http://fb.com/appledailyent