【娛樂人物】周亦彤時尚風水師
預測香港 鼠年否極泰來

蘋果日報 2019/12/21 02:20

周漢明周亦彤時尚風水師鼠年

行行出狀元,每行都要生力軍,為行業帶來生氣。玄學界亦一樣,周亦彤(Thierry)以32歲之齡入行,師承父親、著名風水師周漢明,入行8年以來,自我獨特形象打出一片天,擅長將時尚藝術融入風水之中,成為另類風水師。
撰文:鄉奈仁
攝影:陳慧安
周亦彤將半邊頭髮染成金色,和另外半邊黑色頭髮形成強烈對比,是她「暫時」最新造型。日前Thierry在柴灣工作室接受《蘋果》訪問,指自己從小熱愛藝術,喜歡設計及插畫工作,在加拿大讀書時便打算向這方面發展,與加拿大籍丈夫結婚及返港定居時,沒有進軍玄學界的念頭,直至機緣巧合下,發現風水不是大眾想像的迷信,而是和周遭環境有莫大關係,於是決定把風水跟時尚、顏色扯上關係,就這樣便開始跟父親學習,鑽研玄學,更推出自家品牌。
empty
風水師周漢明是周亦彤父親,二人會不時交流對風水的睇法。互聯網圖片
外表影響說服力
年輕自然被人跟「無料」畫上等號,Thierry笑說:「都會有,始終入行年紀細,打扮同傳統師傅又唔一樣,要一步步跨過,有挑戰係正常,先會成長。試過接到啲project會突然取消,但都明白嘅,有啲人見到我着衫(風格),會問我會唔會考慮好似爸爸咁傳統啲,但係𠵱家好多客人,搵我之前已經喺網上見過我個樣,嚟之前已經有心理準備,知道我外表係點。」
empty
周亦彤對於香港現況,她相信到鼠年時會否極泰來。
老公撞板後迷信
然而,Thierry回顧這些年經歷過不同挑戰,尤其在個人修養及修行方面,但入行後與人接觸多了,自己成長得好快,視野也廣闊了許多。最有趣是老公由不相信風水,到現在每年都會向她父親請教:「初初好唔信呢方面嘅嘢,直至有次搬咗入一個工作室好『黑』,佢先至開始相信,爸爸一開始就講咗一定唔可以搬入去,當時老公唔信,結果就真係『黑』得好緊要。」Thierry跟爸爸亦師亦友:「我哋會互相交流對風水睇法,爸爸知道我由細到大都鍾意設計,佢有啲客想要啲得意嘢,爸爸會叫佢哋搵我,有時爸爸又會跟埋我一齊去睇風水。」她更透露龍鳳胎哥哥現在也隨父親學習風水。

最近,香港人心情快跌到谷底,作為香港人的Thierry,不停提醒自己:「心情唔好都要保持正能量,咁先可以幫到人,係好重要。單係朋友堆之間都有好多,好多人都話心情好差,絕大部份都係因為香港嘅情況。」問到如何看2020庚子鼠年的景象?Thierry滿有信心說:「我一直相信暴風雨後,太陽就會出現,好相信香港會有咁情況,要有多一份希望。」她又指香港的情況會於今個月後有好轉,可觀望明年1月、2月。