三月十日凌晨一時許，睡眼惺忪的謝太聽到兒子宗仔在客廳語帶哭聲與友人通電話，謝太細問之下，宗仔安慰她說沒事，但卻突然拋下一句：「媽咪，如果妳冇咗我會點？妳畀我睇多妳兩眼啦。」謝太以為兒子只是一時意氣，只有好言相勸，卻沒想到竟會一語成讖，宗仔當晚便在住所大廈天台跳樓身亡。
淚流滿面自責
「我睇報紙見到天台欄杆上有好多腳印，我估佢當時心入面一定有好多掙扎，如果我當日多啲開解吓佢，可能唔會發生呢件事，我覺得係我害死咗佢。」四十六歲的謝太淚流滿面地說，她至今不明兒子為何輕生，只知事前他曾與友人爭執。
在謝太眼中，宗仔為人十分孝順、聽話，性格頗為內向。宗仔前年中五畢業後，曾任職侍應，早前一度失業，但他未有氣餒，積極搵工之餘，亦勤加進修英文，希望達成母親盼他當警察的期望。近日他成功覓得侍應一職，其勤奮表現更備受老闆及同事讚賞，沒料到上班短短三日，他卻突然自殺身亡。
「我呢幾日瞓唔着、食唔落，一瞌埋眼就見到個仔，我諗極都諗唔明點解佢要行呢一步，如果我唔係重有一個十歲仔要照顧，我真係想跟埋佢去。」謝太激動地說，六十二歲的謝先生則坐在一旁黯然不語。