當年今日
關於我們

【輸咗喇!】化妝店買香水化妝品 李蕙敏同奶奶爭畀錢

蘋果日報 2017/03/03 20:18

李蕙敏Amanda狗仔出更

早年下嫁英籍老公後甚少現身幕前嘅李蕙敏(Amanda),今日晏晝5點幾,佢就同一對年長嘅外籍夫婦,呢對外籍夫婦就係佢哋老爺同奶奶,佢哋一行人沿途有講有笑傾得相當投契,行咗無耐Amanda就帶佢哋入咗間化妝品店,並主攻女士化妝品同香水。
但喺間鋪頭入面就好多人,佢哋只係逗留約15分鐘就排隊埋單,俾錢時外籍女士更同Amanda爭俾錢,結果由外籍女士爭贏。三人睇嚟意猶未盡,即刻再過對面馬路另一化妝品鋪,不過就無收獲,逗留幾分鐘後就沿行人電梯直上半山方向走人。
《蘋果》問到李蕙敏點解唔見老公一齊行,佢以短訊回覆:「他們來個多星期,他請了幾日假,跟住超忙,由我照顧一下和在工作充當翻譯員,當然一定要介紹啲香港地道嘢。」